Compártao :
Introdución
A execución de obras e instalacións ou a realización de calquera outra actividade na zona de dominio público das estradas autonómicas ou nas súas zonas de protección está suxeita ao deber de obter a correspondente autorización previa da Axencia Galega de Infraestruturas, agás que estea suxeita a declaración responsable ou sexa expresamente permitida pola normativa de estradas de Galicia.
Por outra banda, a Axencia Galega de Infraestruturas emitirá o informe vinculante ao que se refire a normativa vixente en materia de circulación e vehículos cando, segundo esta, requiran autorización previa ou autorización complementaria de circulación, así como para a realización de usos especiais das estradas autonómicas.
Autorizacións
Pode solicitar a autorización necesaria para executar obras ou instalacións, ou realizar calquera outra actividade, así como os cambios de uso, na zona de dominio público e/ou no resto das zonas de protección (zona de servidume ou zona de afección) dunha estrada de titularidade da Comunidade Autónoma de Galicia, agás accesos, premendo no seguinte enlace:
Pola súa parte, na seguinte ligazón poderá solicitar autorización para o establecemento de novos accesos, o cambio de uso ou a reordenación dun acceso existente:
Declaración responsable para a realización de obras menores de conservación e mantemento
Se vostede quere realizar unha obra menor de conservación e mantemento de edificacións, instalacións ou peches situados na zona de servidume ou na zona de afección dunha estrada de titularidade da Comunidade Autónoma de Galicia, pode tramitar a correspondente declaración responsable a través da seguinte ligazón:
Consulta previa de viabilidade dunha autorización
Se desexa realizar unha consulta previa sobre a viabilidade dunha autorización ou obter información e orientación sobre os requisitos técnicos e xurídicos que as disposicións vixentes lle impoñen para a súa solicitude, prema na seguinte ligazón:
Informe de usos especiais da estrada
A Axencia Galega de Infraestruturas emitirá o informe vinculante ao que se refire a normativa vixente en materia de circulación e vehículos cando, segundo esta, requiran autorización previa ou autorización complementaria de circulación, así como para a realización de usos especiais das estradas autonómicas. Na seguinte ligazón pode solicitar o dito informe:
- Lei 8/2013, de 28 de xuño, de estradas de Galicia
- Decreto 66/2016, de 26 de maio, polo que se aproba o Regulamento Xeral de Estradas de Galicia
- Orde do 23 de maio de 2019 pola que se regulan os accesos nas estradas de Galicia e nas súas vías de servizo
- Real Decreto 1428/2003, do 21 de novembro, polo que se aproba o Regulamento Xeral de Circulación para a aplicación e desenvolvemento do texto articulado da Lei sobre tráfico, circulación de vehículos de motor e seguridade viaria, aprobado polo Real Decreto Lexislativo 339/1990, do 2 de marzo