Logo de rematada a vixencia do Plan de seguridade viaria 2022-2025, entrará en vigor o novo Plan de seguridade viaria 2026-2030.

O Plan de seguridade viaria de Galicia 2026-2030 ten como propósito consolidar un sistema viario seguro, resiliente e adaptado aos cambios nos patróns de mobilidade de Galicia, incorporando a innovación tecnolóxica, a análise avanzada de datos e a mellora continua como ferramentas esenciais para a toma de decisións e a avaliación de resultados. O Plan constitúe a continuidade natural do Plan de seguridade viaria de Galicia 2022‑2025 e mantén a estrutura estratéxica do Sistema Seguro.

Neste proceso de elaboración do Plan é moi importante a participación da sociedade. Por iso, antes de dar por rematado o documento, pónse a disposición nesta páxina o borrador do Plan de seguridade viaria de Galicia 2026-2030, abríndose un prazo para a remisión de achegas ou opinións que se consideren oportunas por parte da cidadanía.

Prazo para remitir achegas/opinións: 18/07/2026 – 01/08/2026

Forma de remitir achegas/opinións: pode achegalas por correo electrónico á seguinte dirección de e-mail apisv.axi@xunta.gal, poñendo no Asunto "Borrador do Plan de seguridade viaria de Galicia 2026-2030". Tamén pode remitilas á Consellería de Vivenda e Planificación de Infraestruturas. Axencia Galega de Infraestruturas. Edificios Administrativos San Caetano, s/nº. 15781 Santiago de Compostela 

Pode acceder ó borrador  do Plan no seguinte enlace: Borrador do Plan de seguridade viaria de Galicia 2026-2030