Compártao :
Na redacción dos estudos e proxectos de estradas que elabore a Axencia Galega de Infraestruturas, ademais da normativa de estradas de aplicación, teranse en conta as Instrucións de Redacción de Proxectos e outras instrucións específicas que se sinalan a continuación.
Instrucións de Redacción de Proxectos
As Instrucións de Redacción de Proxectos sistematizan o procedemento a seguir para a redacción dos estudos e proxectos de estradas elaborados pola Axencia Galega de Infraestruturas.
Trátase dunha regulación dos aspectos formais, dos contidos mínimos e do nivel de profundidade a acadar nos diferentes tipos de estudos e proxectos de estradas, así como nos documentos que os compoñen.
Á súa vez, detallan unha relación de prescricións que, se ben non están reguladas en ningún documento de carácter obrigatorio, foron establecidas como criterios de deseño pola Axencia Galega de Infraestruturas.
- Instrucións de Redacción de Proxectos (Revisión nº 4)
- Resolución do 2 de marzo de 2017 da Dirección da Axencia Galega de Infraestruturas pola que se aproba a revisión nº 4 das Instrucións de Redacción de Proxectos
As Instrucións de Redacción de Proxectos complétanse co banco de unidades de obra civil para orzamentos de proxectos e o plan de ensaios en obras de estradas:
Banco de unidades de obra civil para orzamentos de proxectos
Neste epígrafe achégase, nun arquivo comprimido para a súa descarga, o banco de unidades de obra civil aprobado pola Axencia Galega de Infraestruturas para o seu emprego dos orzamentos dos seus proxectos de estradas (en formatos bc3 e ods).
Acompáñase tamén dun manual para a elaboración do orzamento dos proxectos de estradas empregando o devandito banco de unidades.
A través da web do Instituto Tecnolóxico de Galicia, e previo rexistro gratuíto, poden consultarse as bases de prezos en liña, sen necesidade de instalación de aplicacións externas.
- Banco de unidades de obra civil actualizado 2024 en galego (formato bc3)
- Banco de unidades de obra civil para orzamentos de proxectos (formatos bc3 e ods) e manual de emprego
- Actualización do banco de unidades de obra civil para orzamentos de proxectos (formatos bc3 e ods) para o ano 2022
Plan de ensaios en obras de estradas
A continuación achégase, nun arquivo comprimido para a súa descarga, unha folla de cálculo que contén un modelo de plan de ensaios a incluír nos proxectos de estradas elaborados pola Axencia Galega de Infraestruturas (en formatos xls e ods).
Instrucións específicas
Finalmente, neste apartado recompílanse unha serie de instrucións específicas, emitidas pola Axencia Galega de Infraestruturas, relativas a determinados proxectos de estradas.
Instrución para o deseño de sendas peonís-ciclistas
A Instrución 3/2021, de 25 de marzo, da Axencia Galega de Infraestruturas, para o deseño de sendas peonís-ciclistas en estradas de titularidade da Comunidade Autónoma de Galicia vén de actualizar os criterios técnicos en base á experiencia acumulada e coa fin de optimizar as solucións, respecto das anteriores ordes circulares 4/2017, 4/2016 e 3/2016:
Modelos para proxectos de reforzo de firme
No seguinte enlace achégase, nun arquivo comprimido para a súa descarga, unha serie de modelos para a redacción de proxectos de reforzo de firmes, abranguendo tanto os formatos a empregar como certos aspectos comúns do contido destes (prego de prescricións técnicas particulares):
Guía para o deseño de paradas de autobús na Rede Autonómica de Estradas de Galicia
No seguinte enlace achégase a Guía para o deseño de paradas de autobús na Rede Autonómica de Estradas de Galicia, elaborada en maio de 2022:
Aspectos a ter en conta para a redacción dos proxectos de adaptación de estradas ao Plan de baixa IMD
No seguinte enlace achégase a Nota informativa da Subdirección Xeral de Conservación e Explotación, da Dirección Xeral de Infraestruturas, sobre aspectos a ter en conta para a redacción dos proxectos de adaptación de estradas ao Plan de baixa IMD, emitida o 4 de maio de 2022: